- arpent
- Arpent, m. acut. Est la grande mesure par laquelle sont mesurées les terres, vignes, prez, bois et autres heritages; lequel à mesure de Roy contient cent perches à vingt pieds pour perche, à douze pouces pour pied, et à douze lignes pour pouce, ce qui est entendu à perche quarrée. Lequel se partit en deux demis arpents, puis en quatre quartiers, puis en seize quarterons, puis au plus en soixante quatre quartes. Columelle au li. 5. de l'Agriculture, chap. 1. dit que les Gaulois appellent Arepennem, ce que les Latins appellent Semiiugerum, mais ou l'ancienne mesure de l'arpent estoit lors moindre que celle de present, ou ledit Columelle a commis erreur de calcul. Car attendu que (selon l'opinion de Varron, au liv. de l'Agriculture premier, chap. 10.) le Iugerum des Romains et Latins contenoit deux Actus quarrez, et iceluy Actus contenoit six vingts pieds en quarré, c'est à dire en tous sens, le dire du susdit Columelle ne se peut verifier pour establir que nostre arpent soit du contenu du Semiiugerum des Latins et Romains.Demy-arpent, m. acut. Est un nom composé de deux entiers, comme demy- homme, et est la premiere partition de l'arpent. Il contient cinquante perches en quarré, Mille pedes quaqua versus. Iugerum.Demy-arpent, et la moitié d'iceluy, Sesquiiugerum.Par chaque demy-arpent, Iugeratim.Les trois parts d'un arpent de terre, Dodrans arepennis.
Thresor de la langue françoyse. Jean Nicot.